The Last Tram

(Sung to the traditional tune of 'A pair o' Nicky Tams')

'Twas the end-o-the-line for the Dundee trams - October '56
The bairn o' the Lochee route'll be up tae nae mair o' her tricks
At twenty-past the midnicht 'oor she rumbl'ed thro' Dundee
A' the wey frae Maryfield tae her journey's end - Lochee

Tickets wi special numbers were the oarder o' the day
Some were gi'en tae a privilig'd few - ithers had tae pay
Postcairds at sixpence each were autographed by the crew
There was nae swankie ceremony - jist a clang o the bell or two

Noo it wisnae the day nor yesterday crowds stepp'd aboard the tram
Some affy excited - ithers remainin' calm
History was the name o' the game traivll'n tae Lochee
Wi' tales o' the last tram still ringin' a'roond Dundee

'Twas the end-o-the-line for the Dundee trams - October '56
The bairn o'the Lochee route'll be up tae nae mair o' her tricks
At twenty-past the midnicht 'oor she rumbl'ed thro' Dundee
A' the wey frae Maryfield tae her journey's end - Lochee