A Quickstep Back

Wha remembers the Palais
The Locarno an’ the Chalet
Kidd’s Room an’ Gray’s Rooms
An’ pals th’gither at th’ looms
Plannin’ a nicht at the Empress
Tae dance wi’ lads in spivy dress
Or enjoy Hawhill’s Robbies
Or partner Hilltoun Proggies

There were dancers – romancers
And the inevitable bunch o’chancers
The quickstep and rhumba
Foxtrot – tango and samba
The energetic jump an’ jive
It was a great time tae be alive
Big band sound – crooner’s voice
Last waltz – ladies choice

Lads lined-up ae side o’ the hall
Weighin’-up lassies on the opposite wall
Please may I have this dance
Often sparked a new romance
An’ if I’d only had my way
I’d hae danced a’ nicht
Till brak’ o’ day
May memory never lose
The will tae wear my dancin’ shoes